Қажымұратова Ажар Сансызбайқызы Шуйский жалпы білім беретін мектебіне қазақ тілі мен әдебиеті пәнінің мұғалімі болып 2018 жылы жас маман болып жұмысқа келді.

Қажымұратова Ажар Сансызбайқызы Шуйский  жалпы білім беретін мектебіне қазақ тілі мен әдебиеті пәнінің мұғалімі болып 2018 жылы жас маман болып жұмысқа келді.  Педагог М. Жұмабаев атындағы Петропавл гуманитарлық колледжін бітірді. 4 жыл қазақ тілі мұғалімі болып жұмыс істеген жас мұғалім жеткілікті педагогикалық тәжірибеге ие болды. Ажар Сансызбайқызының пәніне және жұмысына деген сүйіспеншілігі мол, өзінің кәсіби және әдістемелік деңгейін арттыру үшін барлығын жасауда: 2018 жылдан бастап  Көкшетау қаласының «Өрлеу»  БАҰО мен Педагогикалық шеберлік орталығында біліктілікті арттырудың төрт  курсынан, жаңа технологиялар мен АКТ-ны игеру курстарынан сәтті өтіп, сертификаттарға  ие болды.  Қазір Ш.Уәлиханов атындағы Көкшетау мемлекеттік университетінде Қазақ тілі мен әдебиеті мамандығы бойынша оқуын жалғастыруда.  Мұғалім оқытудың әртүрлі белсенді әдістері мен формаларын қолдана отырып, сабақтарын қызықты өткізеді, балалар оның сабақтарына қуана қатысады. Әріптестері мен мектеп әкімшілігі Ажар Сансызбайқызы өткізетін сабақтар  жоғары әдістемелік деңгейде өткізілетінін атап өтті.  Оның оқушылары жыл сайын қазақ тілінен  аудандық конкурстарға, қашықтық олимпиадаларға қатысып, жүлделі орындарға ие болып жүр.
  Ажар Сансызбайқызы-коммуникативтік және шығармашылық тұлға, ол облыстың, ауданның, ауылдың іс-шараларына белсенді қатысады: олимпиадаларға, жарыстарға, ғылыми жобаларға, мұғалімдер мен жастарға арналған конкурстарға, сөйтіп бірнеше рет жүлделі орындарға ие болған. Домбыра ойнаудан музыкалық білімі бар. Домбырамен сүйемелдей отырып, ән айтады,  мемлекеттік тілде концерттер жүргізеді.  Сонымен қатар қазақ ұлттық спорт түрлерімен айналысады,  ол тоғыз құмалақ және асықтан облыстық жарыстарға қатысқан. 
  Бүгінде Ажар Сансызбайқызы өз ісін білетін сенімді педагог. Ол үшінші жыл  мектептің гуманитарлық цикл мұғалімдерінің әдістемелік бірлестігі жетекшісінің жұмысын атқаруда. Қазақ тілі мұғалімдері қауымдастығының аудандық отырысында баяндама жасап, әріптестерімен өзінің педагогикалық тәжірибесімен бөлісті. Біздің мектепте жұмыс істеген жылдары өзін адал және жауапты қызметкер ретінде көрсете білді, әріптестері мен оқушылардың ата-аналары арасында құрметке ие.
  Шуйское ауылы және біздің мектеп Ажар Сансызбайқызы үшін  туған жеріндей болды, ол әрі қарай осында тұрып еңбегін жалғастыру ниетін білдірді.  Сондықтан ол «Дипломмен ауылға» деген  мемлекеттік бағдарламасының қатысушысы болып,  екінші жыл осы бағдарлама бойынша сатып алынған өз үйінде тұрып жатыр.  Ажар Сансызбайқызы-кәсіби және шығармашылық тұрғыдан өсіп келе жатқан жас педагог, екі ұлдың тамаша анасы.  Ажар Сансызбайқызына шығармашылық табыстар мен жеңістерге жетуіне, кәсіби өсуіне және қиын да игілікті жұмысынан қанағат алуына тілектеспіз.