Мектеп - өскелең ұрпаққа патриоттық тәрбие беру және өлкетану жұмысы орталығы

2019 жылы 14-15 ақпанда "Рухани жаңғыру" мемлекеттік бағдарламасы аясында "Звездный" Балалар сауықтыру орталығы  базасында «Мектеп – өскелең ұрпаққа патриоттық тәрбие беру және өлкетану жұмысы орталығы» тақырыбында облыстық семинар өткізілді. Семинардың мақсаты музей меңгерушілері, өлкетанушылар, тарих мұғалімдері тәжірибе алмасу арқылы білім базасын кеңейту болып табылады.

Семинар аясында облыстық және жергілікті ауқымдағы мәселелер қаралды, атап айтқанда, мұражайлардың жұмыс жағдайы, мұражай қорларын толықтыру және мұражай артефактілерін сақтау процестері бойынша түсініктеме берілді. Өскелең ұрпақты отансүйгіштікке тәрбиелеуде және мектепте білім беруді дамытуда өлкетанудың рөлі туралы мәселе семинардың ерекше аспектісі болды. Паспорттау, инновациялық технологияларды енгізу, виртуалды музеймен жұмыс жасау мәселелері көтерілді. Сондай-ақ мұражай қуысындағы археологиялық артефактілердің орнына ерекше назар аударылды. Экспедиция үдерісі, сондай-ақ археологиялық қазба жұмыстарының заңдық аспектісі қаралды.

Жоғарыда аталғандардан басқа топонимика бойынша жұмыстар көрсетілді. Көкшетау қаласының өлкетану мұражайы және Мәлік Ғабдуллин мұражайы туралы ақпарат берілді. Көкшетау жоғары медициналық колледжі базасындағы "Қайырымдылық және ерлік" мұражайы туралы айта кету керек, ол біздің облыста ерекше бір мұражай болып табылады, себебі экспозицияның бірегейлігімен таң қалдырады.

Семинар аясында Шуйскі орта мектебі осы бағытта өздерінің жұмыс тәжірибесін ұсынды, бұл жоба қараша айында республикалық деңгейдегі іс-шараға қатысқан. Семинарда ұсынылған жұмыс қатысушылар тарапынан қаралып, көптеген оң пікірлерге ие болды. Сонымен қатар, Ауыл тарихының мектеп мұражайы жұмысы бойынша, атап айтқанда мұражай экспонаттары, мұражай құрылысы, экскурсоводтар жұмысы туралы сұрақтар туындады.  Инновациялық экспозицияларды енгізу арқылы жаңа бөлімдерді ашу және мұражайдың материалдық базасын толықтыру бойынша түрлі ұсыныстар берілді. Семинар қорытындысы шығарылып, дидактикалық материалмен алмасумен аяқталды. Барлық қатысушыларға сертификаттар, бағалы сыйлықтар, Ақмола облысы Білім басқармасының Алғыс хаттары табыс етілді.

Тарих мұғалімі  Анисимов А.В.