Шуйский ауылының ЖББ мектебінде «Алкоголь және оның әлеуметтік салдары» тақырыбында сынып сағаты өткізілді.
Іс-шараның мақсаты — оқушылардың өз денсаулығына жауапкершілікпен қарау сезімін қалыптастыру, алкогольдің адам мен қоғамға тигізетін зиянын түсіндіру.
Сабақ барысында оқушылар алкогольдің адам ағзасына, отбасылық қатынастарға және әлеуметтік өмірге кері әсері туралы мәлімет алды. Нақты өмірден алынған мысалдар келтіріліп, бейнематериалдар көрсетілді және талқылау ұйымдастырылды. Талқылау кезінде оқушылар салауатты өмір салтын ұстанудың маңыздылығы туралы өз пікірлерін білдірді. Мұндай іс-шараларды өткізу оқушылардың өзін-өзі бақылау дағдыларын дамытуға, зиянды әдеттерге теріс көзқарас қалыптастыруға және денсаулықты өмірдің ең басты құндылығы ретінде бағалауға ықпал етеді.